Maskva hatovaja razhledzieć mahčymaść naniasieńnia ŭdaraŭ pa terytoryi Iraka, kali kiraŭnictva krainy źvierniecca z prośbaj ab praviadzieńni takoj apieracyi, zajaviŭ dyrektar departamienta pa pytańniach novych vyklikaŭ i pahroz MZS Rasii Illa Rahačoŭ.
«Abo ŭ nas budzie adpaviedny zvarot ad urada Iraka, abo rezalucyja Savieta Biaśpieki, pryniaćcie jakoj u vyrašalnaj miery zaležyć ad volevyjaŭleńnia ŭrada Iraka. Pry najaŭnaści takich dastatkovych padstaŭ buduć aceńvacca i palityčnaja, i vajennaja metazhodnaść», — skazaŭ rasijski dypłamat, adkazvajučy na pytańnie, ci razhledzić Maskva mahčymaść praviadzieńnia apieracyi suprać bajevikoŭ «Isłamskaj dziaržavy» na terytoryi Iraka.
Pry hetym premjer-ministr Iraka, vystupajučy na miascovym telebačańni, zajaviŭ, što Bahdad vitaŭ by rasijskuju pavietranuju apieracyju ŭ krainie, adnak kiraŭniki dźviuch krain pakul nie abmiarkoŭvali takuju mahčymaść.
