Patryjarch Maskoŭski i ŭsioj Rusi Kirył zaklikaŭ da ćviarozaj acenki savieckaha pieryjadu rasijskaj historyi. U pryvatnaści, kiraŭnik RPC nahadaŭ ab stanoŭčaj roli kiraŭnictva SSSR.
Pa słovach Patryjarcha, pośpiechi dziaržaŭnaha kiraŭnika, jaki stajaŭ la vytokaŭ madernizacyi krainy, «nielha brać pad sumnieńnie, navat kali hety kiraŭnik adznačany zładziejstvami».
«Tam, dzie vyjaŭlałasia vola, siła, intelekt, palityčnaja rašučaść, my havorym: tak, niesumnieŭnyja pośpiechi, jak i ŭ vypadku ź pieramohaj u Vialikaj Ajčynnaj vajnie, a tam, dzie byli kroŭ, niespraviadlivaść i pakuty, my kažam, što heta nieprymalna dla nas, ludziej XXI stahodździa», — zajaviŭ patryjarch Kirył.
«My siabie nie atajasamlajem z hetymi kryvavymi staronkami, my addajom hetyja histaryčnyja piersanažy na sud Božy, ale nikoli admoŭnaje nie pavinna davać pravy vyklučać usio toje stanoŭčaje, što było zroblena, jak toje stanoŭčaje, što było zroblena tymi ci inšymi ludźmi, nie pavinna vyklučać krytyčnyja adnosiny da złačynstvaŭ, jakija byli učyniałasia tymi ž samymi ludźmi», — adznačyŭ jon.
Zajava była zroblena patryjarcham na adkryćci XIV vystavy-forumu «Pravasłaŭnaja Ruś. Maja historyja. XX stahodździe. 1914—1945. Ad vialikich uzrušeńniaŭ da Vialikaj Pieramohi». Kiraŭnik RPC nie ŭdakładniŭ, što mienavita jon maje na ŭvazie pad «kryvavymi staronkami», adnak u hety pieryjad savieckaj historyi adbylisia takija padziei, jak balšavicki teror i masavyja represii 1930-ch hadoŭ. Akramia taho, pieršyja dziesiacihodździ savieckaj ułady supravadžalisia hanieńniami na carkvu.
