Siarhiej Rumas, staršynia praŭleńnia Banku raźvićcia, były vice-premjer, adkazaŭ na pytańnie Svabody pra patrebu reformaŭ dla Biełarusi.
Siarhiej Rumas — były namieśnik staršyni ŭradu Biełarusi (2010–2012), pra jaho kazali, što ŭ Saŭminie jon byŭ prychilnikam rynkavych reformaŭ.
Karespandent Svabody na presavaj kanferencyi pra raźvićcio pradprymalnictva spytaŭ Rumasa, ci zapatrabavanyja ciapier, na jaho dumku, reformy ekanomiki ŭ biełaruskim hramadztvie.
Raniej daradca Alaksandra Łukašenki Kirył Rudy zajaviŭ na Kastryčnickim ekanamičnym forumie, što strukturnyja reformy ŭ Biełarusi nie zapatrabavanyja hramadztvam.
Spadar Rumas uchiliŭsia ad adkazu naŭprost:
«Kiraŭnik dziaržavy pastaviŭ kropku ŭ dyskusii na hetuju temu».
Na pytańnie, a jakich reformaŭ dla biznesu čakaje Siarhiej Rumas ciapier, kali staŭ bankiram, toj adkazaŭ:
«Na prykładzie pradpryjemstvaŭ drevaapracoŭki, jakimi zaniaŭsia naš bank, mahu skazać, što pavinna być reforma ŭ sfery karparatyŭnaha kiravańnia dziaržaŭnych pradpryjemstvaŭ. Pa sutnaści, niama roźnicy, pradpryjemstva pryvatnaje ci dziaržaŭnaje, hałoŭnaje, jak im kirujuć. Kiraŭnik dziaržavy daručyŭ pravieści eksperyment pa ŭkaranieńni lepšych uzoraŭ kiravańnia na šerahu pradpryjemstvaŭ, u tym liku na tych pradpryjemstvach drevaapracoŭki, jakija siońnia albo pryniatyja ŭ nas u banku, albo my ich prymajem».
