Kampanija MTS zapuskaje mabilnuju prahramu MTS Connect, z dapamohaj jakoj možna telefanavać i abmieńvacca paviedamleńniami praz mabilny internet. Pra heta paviedamlajuć infarmahienctvy sa spasyłkaj na dadzienyja apieratara suviazi.
Miesiendžar budzie dastupny z 14 śniežnia dla smartfonaŭ na bazie Android i iOS i składzie kankurencyju Skype, WhatsApp i Viber. Spačatku prahramu pratestujuć u Maskvie, zatym płanujecca zrabić dastupnym servis i ŭ inšych haradach.
Praz prahramu MTS Connect možna budzie abmieńvacca paviedamleńniami, udzielničać u hrupavych čatach i pieradavać fajły pamiž karystalnikami praz mabilny internet abo Wi-Fi-dostup. Identyfikacyja karystalnika budzie adbyvacca pry dapamozie mabilnaha numara.
Servis zasnavany na standarcie RCS (Rich Communication Services).
