Akcior Bieniedykt Kambierbetč napisaŭ adkryty list Santa-Kłaŭsu. Jak piša The Guardian, u liście znakamity brytaniec nahadvaje baradatamu dziadulu ab tym, što tak i nie atrymaŭ u padarunak śvietłavy mieč, jaki prasiŭ u dziacinstvie.
tumblr.com
U svaim liście zorka sieryjała «Šerłak» adznačaje, što chacieŭ by paprasić Santa-Kłaŭsa zaniacca vypraŭleńniem surjoznych suśvietnych prablem, takich jak vojny, mihracyjny kryzis abo zabrudžvańnie navakolnaha asiarodździa, ale zimovy čaraŭnik pavinien pracavać dla dziaciej, a nie vyrašać hłabalnyja zadačy.
Akcior adznačyŭ, što dzieciam sapraŭdy patrebnaja mahija ŭ hetym śviecie. Jon zaklikaŭ Santu padaryć małym pabolš času, kab zastavacca dziećmi. Taksama ŭ svaim zvarocie Kambierbetč paprasiŭ Santu zaścierahčy dziaciej ad sučasnaha śvietu, jaki źjechaŭ z hłuzdu. Na dumku akciora, małyja pavinny «śmiajacca, a nie zachłynacca ad śloz», heta asabliva tyčycca tych dziaciej, jakija naradzilisia ŭ rajonach, dzie iduć vajennyja dziejańni.
Bieniedykt Kambierbetč nie praminuŭ skarystacca vypadkam i napisaŭ, što sam prykładaje šmat namahańniaŭ, kab pavodzić siabie hodna. Akramia taho, jon pažartavaŭ, što abiacaje pryhatavać dla Santy porcyju kaladnaha piraha i partviejnu.
U kancy lista Bieniedykt Kambierbetč napisaŭ: «Ci moh by ja zaraz atrymać śvietłavy mieč, kali łaska?»
Kambierbietč apublikavaŭ svajo pasłańnie ŭ Nacyjanalny dzień napisańnia listoŭ, jaki adznačajecca 7 śniežnia.