Siońnia na naradzie ź siłavikami Alaksandr Łukašenka padkreśliŭ važnaść dalejšaha ŭmacavańnia paŭdniovaj miažy Biełarusi, paviedamlaje BiełTA.
«Z 1 studzienia pačynaje dziejničać pahadnieńnie Ukrainy ź ES. Zrazumieła, što heta pahadnieńnie napružvaje nie tolki Rasiju, choć zakłapočanaść vykazvałasia i raniej, bolš za hod tamu. Na praviedzienaj sustrečy prezident Rasii źviartaŭ uvahu na ŭstupleńnie ŭ siłu hetaha pahadnieńnia, jakoje pryviadzie da peŭnych ryzyk dla Rasii, i dla nas, u tym liku Kazachstana. Tamu nam treba być hatovymi abmiarkoŭvać u hetym płanie nazvanyja pytańni — nam traim u JEAES plus Armienija i Kyrhyzstan, i z Ukrainaj niejkim čynam papiarednie abmiarkoŭvać hetyja prablemy. Tamu što samo nie razydziecca», — adznačyŭ Łukašenka.
Pry hetym jon adznačyŭ, što ŭ Biełarusi chapaje i svaich prablem u ekanomicy, ale kali jašče chłynuć tavary ź Jeŭrapiejskaha sajuza, jakija buduć uvozicca pa nulavoj staŭcy va Ukrainu, tady mała nie padasca.
«Tamu ŭsio, što my rabili pa ŭmacavańni paŭdniovych rubiažoŭ našaj krainy ŭ płanie biaśpieki i ekanomiki, akazałasia siońnia zapatrabavanym. Ja chacieŭ by pačuć, jak u nas iduć spravy z umacavańniem miažy», —padkreśliŭ jon.
