Akruhovy administracyjny sud Kijeva pryniaŭ rašeńnie zabaranić dziejnaść Kamunistyčnaj partyi Ukrainy, paviedamlajecca na sajcie suda. Sprava razhladałasia pa pazovie ŭkrainskaha ministerstva justycyi.
Jak adznačajecca ŭ paviedamleńni, sud zadavoliŭ pazoŭ ministerstva ŭ poŭnym abjomie.
Ministerstva justycyi Ukrainy źviarnułasia ŭ akruhovy sud 8 lipienia 2014 z pazovam ab zabaronie dziejnaści kampartyi Ukrainy (KPU).
U pazovie śćviardžałasia: «KPU ździajśniaje dziejańni, nakiravanyja na źmianieńnie kanstytucyjnaha ładu hvałtoŭnym šlacham; parušeńnie suvierenitetu i terytaryjalnaj cełasnaści Ukrainy; prapahandu vajny, hvałtu, raspalvańnie mižetničnaj varožaści; zamach na pravy i svabody čałavieka, a taksama pradstaŭniki KPU sistematyčna źviartajucca z zaklikami da stvareńnia vajenizavanych farmavańniaŭ».
Dziejnaść kampartyi Ukrainy, a taksama Kamunistyčnaj partyi rabočych i sialan, była prypynienaja rašeńniem akruhovaha suda ŭ vieraśni 2015 hoda.
Advakat, jaki pradstaŭlaŭ KPU ŭ sudzie, zajaviŭ, što partyja asprečyć rašeńnie ab zabaronie ŭ Jeŭrapiejskim sudzie pa pravach čałavieka.
