1.12.2014, fota Siarhieja Zinina
Ź niadzieli, 27 śniežnia, nadvorje pačnie pastupova nabyvać zimovy charaktar, ale da kanca hetaha tydnia zachavajecca ciapło.
Pra heta paviedamiŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Dźmitryj Rabaŭ.
U piatnicu, 25 śniežnia, nočču pieravažna biez apadkaŭ, dniom na bolšaj častcy terytoryi karotkačasovyja daždžy. Nočču i ranicaj u asobnych rajonach tuman. Dniom miescami pa poŭnačy krainy ŭzmacnieńnie vietru paryvami da 15—18 m/s. Tempieratura pavietra nočču minus 3 — plus 2°S, dniom plus 2—7°S.
U Minsku nočču bieź istotnych apadkaŭ, dniom karotkačasovy doždž. Tempieratura nočču kala 0°S, dniom plus 3—5°S.
U subotu nočču miescami, dniom na bolšaj častcy terytoryi karotkačasovyja daždžy, pa poŭnačy mahčymy mokry śnieh. Nočču i ranicaj u asobnych rajonach słaby tuman i hałalod. Miescami ŭzmacnieńnie vietru paryvami da 15—20 m/s. Tempieratura pavietra nočču minus 1 — plus 4°S, dniom plus 2—7°S, pa paŭdniovym zachadzie da plus 9°S.
U Minsku nočču bieź istotnych apadkaŭ, dniom karotkačasovy doždž. Tempieratura nočču 0 - plus 2°S, dniom plus 3—5°S.
«Pierałomnym momantam u źmienie nadvorja stanie niadziela, pry hetym čakajucca składanyja ŭmovy nadvorja», — adznačyŭ Rabaŭ.
Na bolšaj častcy terytoryi apadki (mokry śnieh, doždž). U asobnych rajonach mocnyja apadki. Miescami hałalod, nalipańnie mokraha śniehu, na asobnych učastkach daroh hałalodzica. Tempieratura pavietra na praciahu sutak ad minus 3°S pa poŭnačy da plus 7°S pa poŭdni.
U Minsku ŭ niadzielu apadki (mokry śnieh, doždž), časam mocnyja apadki. Tempieratura na praciahu sutak plus 1—3°S.
Jak paviedamiŭ śpiecyjalist, u pačatku nastupnaha tydnia jašče bolš pachaładaje.
U paniadziełak miescami, pieravažna pa paŭdniovaj pałovie, karotkačasovyja apadki ź pieravahaj śniehu, mokraha śniehu. U asobnych rajonach hałalod. Na darohach hałalodzica. Tempieratura pavietra na praciahu sutak 0 — minus 5°S, nočču pry prajaśnieńniach da minus 9°S, u paŭdniova-zachodnich rajonach nočču i dniom plus 1—3°S.
«Bližej da Novaha hoda zapanuje skandynaŭski antycykłon, nadvorje zdabudzie zvyčajny zimovy charaktar», — adznačyŭ Rabaŭ.
