Hurt Navi pradstaviŭ pradstaviŭ novuju pieśniu, zapisanuju dla prajektu «Biełsatu» dy tuzin.fm «Novaje pakaleńnie na Novy hod».
«Nam vielmi chaciełasia pieradać ciopłyja i pazityŭnyja pačućci, zaviazanyja z hetym śviatam. U Novy hod čałaviek pavinien adkinuć usio drennaje, što adbyvałasia za hod, pakinuć u dumkach tolki lepšaje, vykazać padziaku za heta i nakiravacca ŭ Novy 2016, pieraharnuć staronku!», – kažuć Arciom Łukjanienka i Ksienija Žuk. Admysłova dla prajektu «Novaje pakaleńnie na Novy hod» jany napisali zusim novy tvor. Mierkavałasia, što Navi praśpiavajuć jaho razam ź śpievakom Juzary, pradstaŭnikom Biełarusi na sioletnim konkursie «Jeŭrabačańnie». Muzyki praviali navat niekalki repietycyj i byli hatovyja da zapisu, ale za dzień da zdymak, Juzary niečakana admoviŭsia ad udziełu ŭ prajekcie. Śpiavak patłumačyŭ heta tym, što maje kantrakt ź Biełteleradyjokampanijaj.
Ale pieśnia bieź Juzary ničoha nia straciła – Navi sami ništo ź siabie duet. Arciom iKsiuša ź nieciarpieńniem čakajuć Novy hod, jaki vielmi lubiać. «Naahuł, skłałasia tradycyja apošnim časam adznačać Novy hod u inšych krainach, ale pry hetym abaviazkova viartacca damoŭ! Minuły hod sustreli ŭ Barlinie, naprykład. Nam cikava hladzieć jak adznačajuć hetaje śviata inšyja dy samim viesialicca!», – kažuć muzyki.
Pieśnia «Novy hod» była zapisanaja dla prajektu «Novaje pakaleńnie na Novy hod», videaversiju jakoha možna pahladzieć u noč z 31 śniežnia 2015 na 1 studzienia 2016 hodu na telekanale «Biełsat» dy na sajcie belsat.eu. Pačatak efiru ŭ 23.15 (pa biełaruskim časie).
