Niećviarozy vandroŭnik sprabavaŭ pierasiačy litoŭska-biełaruskuju miažu 4 studzienia ŭ punkcie propusku «Kamienny Łoh».
44-hadovy hramadzianin Litvy, nibyta, biez prablem prajšoŭ pašpartny kantrol u siabie doma i pieššu nakiravaŭsia ŭ Biełaruś. Adnak da biełaruskaha punkta propusku jon dabraŭsia ŭžo vielmi pjanym, paviedamlaje pres-słužba Pamiežnaha kamiteta.
Niećviarozy mužčyna sprabavaŭ padsieści ŭ aŭtamabili, jakija prajazdžali mima, ale nichto nie chacieŭ brać da siabie pjanaha spadarožnika. Heta vielmi złavała niaŭdałaha vandroŭnika, i jon niecenzurna łajaŭsia.
Mužčyna nie reahavaŭ na zaŭvahi pamiežnikaŭ. Tamu jaho zatrymali i dastavili ŭ milicyju.
Za drobnaje chulihanstva i niepadparadkavańnie litoŭca aštrafavali na 3 młn 150 tysiač rubloŭ (15 bazavych vieličyniaŭ).
