Ser Aleks Fierhiusan vykazaŭ namier viarnucca ŭ anhlijski futbolny kłub «Mančester Junajted» u jakaści treniera-kansultanta, kali kamandu ŭznačalić Rajan Hihz. Pra heta paviedamlaje Mirror.
AP
U ciapierašni čas Hihz źjaŭlajecca pamočnikam Łui van Hała, čyja praca vyklikaje narakańni z boku kiraŭnictva kłuba i zaŭziataraŭ. Pavodle infarmacyi vydańnia, vyrašalnym dla hałandskaha śpiecyjalista budzie siońniašni matč čempijanatu Anhlii z «Livierpulem». U vypadku niaŭdačy van Hał budzie zvolnieny.
Pa vynikach 21 matča mankunijancy majuć u aktyvie 34 ački i zajmajuć šostaje miesca ŭ turnirnaj tablicy, adstajučy ad«Lestara» (22 hulni), što lidziruje ŭ premjer-lizie, na 10 bałaŭ.
74-hadovy Fierhiusan uznačalvaŭ «Mančestar Junajted» z 1986 pa 2013. Pa zakančeńni siezona-2012/13 šatłandziec zaviaršyŭ trenierskuju karjeru, vyjhraŭšy z kłubam 13-y tytuł čempijona Anhlii. Akramia taho, na rachunku śpiecyjalista dźvie pieramohi ŭ Lizie čempijonaŭ.
42-hadovy Hihz zaviaršyŭ karjeru hulca ŭ 2014-m, za 24 hady pravioŭšy ŭ asnoŭnym składzie «čyrvonych djabłaŭ» 672 matčy.
