Rezkaha pavieličeńnia cenaŭ u Biełarusi nie pradbačycca, zajaviŭ siońnia žurnalistam načalnik upraŭleńnia ekanomiki, finansaŭ i cen Ministerstva handlu Pavieł Filipaŭ.
«U ciapierašniaj situacyi cenavych vopleskaŭ nie pradbačycca. Kali budzie mocna pavyšana cana, to pakupnik prosta pojdzie ŭ susiedniuju kramu i kupić tavar pa canie, jakaja jaho zadavolić», - adznačyŭ Pavieł Filipaŭ.
Pavodle jaho słoŭ, situacyju stabilizuje kankurencyja — na spažyvieckim rynku Biełarusi pradstaŭleny šyroki śpiektr vytvorcaŭ i vialiki asartymient tavaraŭ.
«U nas dastatkovaje nasyčeńnie rynku, stvorana dobraje kankurentnaje asiarodździe. Tyja ž handlovyja sietki buduć kankuravać pamiž saboj pa tych ci inšych hrupach tavaraŭ roznymi akcyjami. My nieadnarazova nazirali: kali ŭ adnoj handlovaj sietki idzie akcyja pa niejkaj hrupie, to inšaja sietka adrazu sprabuje dać dastojny adkaz. Moža być, pa inšym tavary», — rastłumačyŭ načalnik upraŭleńnia.