Marvin Li Minski, amierykanski navukoviec, adzin sa stvaralnikaŭ štučnaha intelektu, pamior u Bostanie va ŭzroście 88 hadoŭ. Śmierć nastupiła ad unutrymazhavoha krovaźlićcia 24 studzienia, paviedamlaje The New York Times.
academic.ru
Navukoviec naradziŭsia ŭ 1927 hodzie ŭ Ńju-Jorku, u jaŭrejskaj siamji. Słužyŭ u fłocie ZŠA, u amierykanskich vajenna-marskich uzbrojenych siłach u 1944-1945 hadach, abaraniŭ dysiertacyi ŭ Harvardskim i Prynstanskim univiersitetach.
Minski skanstrujavaŭ i pabudavaŭ pieršyja aptyčnyja skaniery, manipulatary z taktylnymi datčykami (što paŭpłyvała na raźvićcio robatatechniki). U 1951 hodzie jon stvaryŭ pieršuju štučnuju niejronnuju sietku — Snarc. U 1956 hodzie Minski vynajšaŭ kanfakalny skanavalny mikraskop, jaki da hetaha času aktyŭna vykarystoŭvajecca ŭ bijałohii.
Narešcie, u 1959 hodzie razam z Džonam Makarci jon adkryŭ u Masačusieckim technałahičnym instytucie (MIT) Łabaratoryju štučnaha intelektu. Hetaja arhanizacyja akazała mocny ŭpłyŭ na sučasnuju kampjutarnuju industryju. Mienavita Minski adnym ź pieršych vykazaŭ ideju ab svabodnym raspaŭsiudzie ličbavaj infarmacyi (jakaja paśla vyliłasia ŭ ruch za prahramnaje zabieśpiačeńnie z adkrytym zychodnym kodam).
Až da svajoj śmierci Minski pracavaŭ u MIT. Jon źjaŭlaŭsia prafiesaram infarmacyjnych mastactvaŭ i navuk, prafiesaram elektroniki i elektratechniki i prafiesaram vyličalnych navuk.
