Urad Aŭstryi pryniaŭ pakiet mier pa baraćbie ź mihracyjnym kryzisam. Jak zajaviŭ u aŭtorak pa vynikach pasiadžeńnia kabinieta kancler Viernier Fajman, ministry ŭzhadnili rašeńnie ab uviadzieńni časovaha statusu dla biežancaŭ terminam na try hady. Akramia taho, zafiksavanaja i limitavaja kolkaść mihrantaŭ, jakich Aŭstryja prymie ŭ hetym hodzie.
«My damovilisia ab płancy ŭ 37,5 tysiačy čałaviek», — rastłumačyŭ jon. Pavodle jaho acenak, papraŭki ŭ zakanadaŭstva ab mihracyi buduć razhledžanyja parłamientam u krasaviku. Fajman adznačyŭ, što respublika vymušana zajmajecca rašeńniem prablemy ź mihrantami.
«My nikoha nie zaprašali, i my nie vinavatyja ŭ tym, što ŭ Siryi praciahvajecca vajna, — skazaŭ jon. — Ale my zadziejničanyja ŭ tym, kab prablema vyrašałasia ŭ cełym u Jeŭropie».
U svaju čarhu vice-kancler Rajnchald Miterlenier zajaviŭ, što pryniaćciem dadzienych papravak aŭstryjskija ŭłady chočuć pasłać sihnał jak biežancam, tak i ŭłasnamu narodu.
«Heta sihnał, u tym liku dla svajho nasielnictva, što my zrazumieli, što biežancaŭ zanadta šmat, i biežancam, što jość istotnaja ryzyka vysyłki», — adznačyŭ jon. Miterlenier taksama vykazaŭ upeŭnienaść u tym, što ŭviadzieńnie časovaha statusu dla biežancaŭ całkam abhruntavanaje. «Paśla adnaŭleńnia (paradku ŭ Siryi) ludzi patrebnyja buduć svajoj krainie», — dadaŭ vice-kancler.
«Čas, kali my vybirali vyrazy i zhładžvali aznačeńni, prajšoŭ, ja dumaju, prablemy treba nazyvać svaimi imionami», — skazaŭ na zakančeńnie jon.
Fajman taksama paviedamiŭ ab tym, što ŭłady buduć rychtavacca da ŭviadzieńnia kantrolu na miažy ź Italijaj ŭ rajonie Paŭdniovaha Cirola, kali patok biežancaŭ z «bałkanskaha maršrutu» źmienić svoj kirunak. Pavodle jaho słoŭ, zadačy pa achovie źniešnich miežaŭ Šenhiena nie vyrašajucca naležnymi tempami. Kažučy ab uviadzieńni kantrolu na miažy ź Italijaj, jon udakładniŭ, što havorka idzie pra adzin z klučavych pieravałaŭ praz Alpy — Brenier.
«Pakolki ŭ nas niama harantyj taho, što (jeŭrapiejskija) miery buduć prymacca tym tempam i ŭ tych abjomach, jak my chočam, my ŭ Špilfieldzie (pahranpierachod sa Słavienijaj) pastavili zbudavańni dla ažyćciaŭleńnia pravierak. Budziem vymušanyja i na Breniery vyvučyć takuju mahčymaść, kali patok źmienicca i pojdzie sa Słavienii ŭ Italiju, — papiaredziŭ Fajman. — Budziem dumać, jak my tam budziem ažyćciaŭlać kantrol».
U ciapierašni čas užo vosiem dziaržaŭ šenhienskaj zony — Narviehija, Šviecyja, Danija, Aŭstryja, Hiermanija, Vienhryja, Francyja i Malta — uviali časovy pahrankantrol na svaich miežach.
