Ale ž i prymusiŭ «Manreal Kanadyjans» pachvalavacca svaich amataraŭ u pieršym raŭndzie Kubku Stenli. Biada pryjšła adkul nie čakali. Samaja biełaruskaja kamanda NCHŁ upeŭniena vyjhravała ŭ «Bostana Bruinz» ź likam 3:1 u seryi, ale paśla ichniaja hulnia niešta raskleiłasia. Bostancy vyraŭniali lik, davioŭšy seryju da vyrašalnaj siomaj hulni.
Nie pamylimsia, kali skažam, što adnym z samych zaŭziatych amataraŭ «miadźviedziaŭ» hetaj nočču byŭ hałoŭny trener zbornaj Biełarusi Kurt Frejzer. Jamu, kaniečnie, chaciełasia, kab Andrej i Siarhiej Kaścicyny, a taksama Michaił Hraboŭski jak maha chutčej dałučylisia da nacyjanalnaj zbornaj, ale jašče čas nie pryjšoŭ.
U apošniaj hulni «Manreal» było nie ŭtrymać. Až piać biezadkaznych šajb pabyvali ŭ bramie «miadźviedziaŭ». Najbolš pryjemna, što vyrašalnuju rolu ŭ pieramohu «kanadcaŭ» unieśli našy braty. Na ich rachunku try ź piaci šajb svajoj kamandy. Andrej adznačyŭsia dźviuma i adnoj halavoj pieradačaj, Siarhiej zapisaŭ sabie ŭ aktyŭ adnu šajbu plus adnu pieradaču.
U paŭfinał kanferencyi «Manreal» pakul nia viedaje svajho supiernika. Im stanie ci «Filadelfija Fłajers», ci «Ńju-Jork Rejndžers».