20 krasavika adbyłosia aficyjnaje «Adkryćcio viełasezonu‑2008». Hetaja padzieja ŭžo stała šmathadovaj tradycyjaj ad arhanizataraŭ Poehali.net. Kožny hod adkryćcio atrymlivajecca adroznym ad papiaredniaha. Kožny raz źjaŭlajucca cikavyja konkursy, dzie kožny z prysutnych moža znajści štości dla siabie. Adkryćcio — nia prosta spartovaje mierapryjemstva. Jano daje mahčymaść adnačasova sabrać amataraŭ roznych stylaŭ katańnia na rovary (šašejnikaŭ, prychilnikaŭ hornaha rovara, viełaturystaŭ, prosta amataraŭ), a taksama naviazać kantakty j znajści novych siabroŭ.
Aficyjnaja rehistracyja była pryznačanaja na 10 hadzin, ale bolšaść udzielnikaŭ stali pryjaždžać zadoŭha da hetaha času. Achvotnych zarehistravacca było kala 150 čałaviek. Jany nie pabajalisia doždžyka, jaki vielmi chutka pierastaŭ prynosić dyskamfort. Siarod zarehistravanych udzielnikaŭ byli absalutna roznyja ludzi jak pa ŭzrostavaj katehoryi (samamu darosłamu ŭdzielniku było 66 hadoŭ), tak i pa stylach katańnia na rovary.
U časie mierapryjemstva ŭdzielnikam prapanoŭvałasia padpisacca pad zvarotam da haradzkich uładaŭ pra nieabchodnaść abstalavańnia ŭ hramadzkich miescach achoŭvajemych viełaparkovak. Mahčyma, zbor podpisaŭ paspryjaje tamu, što dziaržaŭnyja čynoŭniki narešcie zaŭvažać ravarystaŭ nia tolki jak prablemu na darohach, ale i jak davoli šmatlikuju častku našaha hramadztva, da jakoj pakul nikomu niama spravy.
