Rasijski śpiavak Filip Kirkoraŭ pieranios kancert, jaki pavinien byŭ adbycca 23 sakavika ŭ Vilni, z-za taho, što fury z abstalavańniem i dekaracyjami zatrymlivajuć biełaruskija mytniki na miažy ź Litvoj.
«Pavažanyja prychilniki, — paviedamlaje aficyjnaja staronka Kirkorava va «UKantakcie», — kancert u Vilni pieranosicca na 24 sakavika. Usie nabytyja kvitki na 23 sakavika sapraŭdnyja na 24-je. Kancert u Kłajpiedzie, jaki pavinien byŭ adbycca 24 sakavika na arenie «Majak», pieranosicca na 25 sakavika. Fury z aparaturaj zatrymali na miažy».
Pa słovach pradstaŭnika artysta, źmieściva fur supravadžaje vialikaja kolkaść nakładnoj dakumientacyi. Jaje padrabiazna vyvučajuć mytniki Biełarusi, admoviŭšysia ŭvajści ŭ stanovišča i paskoryć praces pravierki.
«Šou «Ja» ŭ Minsku było pryniata na samym vysokim uzroŭni — navat prezident krainy Alaksandr Łukašenka pieradaŭ raskošny bukiet dla mianie i režysiora šou Franka Drahana. I paśla hetaha ašałamlalnaha pośpiechu, dziesiacitysiačnaj «Minsk-Areny», dzie ni adnaho volnaha miesca nie było, my sutyknulisia prosta z ašałamlalnym chamstvam», — skazaŭ śpiavak. Pavodle jaho słoŭ, jon raźličvaje na dapamohu Łukašenki va ŭrehulavańni situacyi.
«Padarunak, jaki mianie čakaŭ u hrymiorcy ŭ Minsku ad prezidenta respubliki Biełaruś Alaksandra Ryhoraviča Łukašenki», — padpisaŭ Kirkoraŭ fota ŭ svaim tvitary.
Čytajcie taksama:
Kirkoraŭ usio ž prarvaŭsia ŭ Vilniu, ale vielmi aburany
Mytnia i Pamiežny kamitet Biełarusi: Kirkoraŭraskazvaje? Mytny nadhlad zaniaŭ 94 chviliny
