Pajšła z žyćcia maci paety, dyzajniera, aŭtara «Narodnaha alboma» Michała Aniempadystava.
Ema Andrejeŭna Aniempadystava naradziłasia ŭ 1934 hodzie. Navukoviec, hieołah, zasnavalnica muzieja kamianioŭ pry BDU. Padčas pracy va ŭniviersitecie jana šmat jeździła pa Biełarusi i za jaje miežy, zabirajučy ŭ navukova-studenckija ekśpiedycyi i syna. Usie žyćcio maci padtrymlivała tvorčaść Michała i hanaryłasia jahonymi pośpiechami.
Padčas vuličnych akcyjaŭ u 90-ch haścinny dom baćkoŭ Michała zaŭždy byŭ adkryty dla jahonych siabroŭ, a ŭ časy aryštavańniaŭ aktyvistaŭ Płoščy Ema Andrejeŭna była siarod tych, chto zanosiŭ va Upravu pledy i ciopłyja rečy. Ad nas pajšoŭ śvietły i mocny čałaviek, najlepšaja maci i cudoŭnaja babula Stefanii. Siabry Michała smutkujuć razam ź im z nahody straty.
