Suśvietnaja arhanizacyja achovy zdaroŭja zaklikała krainy admianić usie tyja, što zastalisia, abmiežavańni na handal i pajezdki ŭ Hvinieju, Libieryju i Śjera-Leone ŭ suviazi sa skančeńniem režymu nadzvyčajnaj situacyi ŭ halinie achovy zdaroŭja, jakaja maje mižnarodnaje značeńnie.
Kiraŭnik SAAZ Marharet Čen pierakananaja, što va ŭsich vypadkach zachvorvańnia lichamankaj Eboła, jakija jašče zastalisia, chvarobie nie dazvolać raspaŭsiudzicca.
Režym nadzvyčajnaj situacyi byŭ abvieščany ŭ žniŭni 2014 hoda, kali rehistravałasia bolš za sto vypadkaŭ zachvorvańnia ŭ dzień.
Doktar Čen zaklikała zachoŭvać pilnaść, kab nie dazvolić chvarobie viarnucca.
Epidemija lichamanki Eboła, jakaja pačałasia ŭ Zachodniaj Afrycy ŭ kancy 2013 hoda, zabrała žyćci bolš za 11 tysiač čałaviek i stała najbujniejšaj z momantu vyjaŭleńnia virusa ŭ 1976 hodzie.
Pra zakančeńnie epidemii SAAZ paviedamiła ŭ studzieni 2016 hoda, paśla taho jak u Libieryi nie było zarehistravana ni adnaho novaha vypadku na praciahu 42 dzion. Da hetaha svabodnymi ad virusa byli abvieščanyja Hvinieja i Śjera-Leone.
