Rasija moža pradać Indyi dva frehaty prajekta 11356, jakija nie moža dabudavać dla svajho fłota biez ukrainskich siłavych ustanovak, paviedamiŭ funkcyjanier Abjadnanaj sudabudaŭničaj karparacyi Alaksiej Dziki. Pra heta paviedamiła ahienctva RIA Novosti.
Šeść frehataŭ prajekta 11356 (typ «Admirał Hryharovič») byli zamoŭlenyja rasijskim Minabarony ŭ 2010-2011 hadach. Pieršyja try ź ich paśpieli dabudavać, adnak astatnija zastalisia biez ukrainskich hazavych turbin.
Friehat «Admirał Hryharovič».
Ukraina admoviłasia pieradavać ruchaviki dla rasijskich bajavych karabloŭ z-za rasijskaj akupacyi Kryma i padtrymki bajevikoŭ na Danbasie.
Frehatami ŭ sučasnych vajskovych fłatach nazyvajuć karabli dla baraćby z pavietranymi i padvodnymi siłami praciŭnika pry supravadžeńni hałoŭnych sił fłotu i asabliva važnych transpartnych kanvojaŭ.
Frehaty prajekta 11356 majuć vodaźmiaščeńnie bolš za 4.000 ton, chutkaść da 30 vuzłoŭ (30 marskich milaŭ u hadzinu), uzbrojenyja supraćkarabielnym rakietnym kompleksam «Oniks», univiersalnym kompleksam «Kalibr» i zienitnym kompleksam «Štyl-1».
