Narodny artyst Rasii Albiert Fiłozaŭ pamior na 79-m hodzie žyćcia. Pra heta paviedamiŭ mastacki kiraŭnik i hałoŭny režysior teatra «Škoła sučasnaj pjesy» Iosif Rajchielhaŭz. Pryčyny śmierci pakul nie ŭdakładniajucca.
Foto: Ltd Foma
Fiłozaŭ syhraŭ bolš za 50 rolaŭ u teatry i kino, u tym liku ŭ filmach «Vam i nie śniłasia», «Tehieran-43» i «Čałaviek z bulvara Kapucynaŭ». Na kinaekranie jon debiutavaŭ ŭ 1968 hodzie ŭ filmie «Syny ajčyny». Siarod inšych jaho viadomych stužak — «Mery Popins, da pabačeńnia!» I «Rasmus-vałacuha», a taksama sieryjały «Biednaja Naścia» i «U kruzie pieršym».
Vypusknik Škoły-studyi MCHAT, Albiert Fiłozaŭ pracavaŭ u Maskoŭskim dramatyčnym teatry imia Stanisłaŭskaha i ŭ Maskoŭskim teatry imia Jarmołavaj. U teatry «Škoła sučasnaj pjesy» jon słužyŭ z 1989 hoda.
Kadr ź filma «Čałaviek z bulvara Kapucynaŭ»
U 1991-1995 hadach Fiłozaŭ byŭ majstram (sumiesna z Armienam Džyharchanianam) akciorskaha kursa ŭ VDIK. U 2007 hodzie jon upieršyniu vystupiŭ u jakaści režysiora — pastaviŭ śpiektakl «2×2=5» pavodle pjesy Ksienii Ściapanyčavaj. U 2004 hodzie akcior uhanaravany Ordenam Družby.
