Na pieršuju pałovu dnia 14 krasavika Biełaruski radyjotelevizijny pieradajučy centr (BRPČ) zapłanavaŭ prafiłaktyku. Heta značycca, nivodzin telekanał nie musiŭ pracavać ad 9 da 15 hadzin. Adpaviedna, prahramy telepieradač na hety čas nie składalisia.
Adnak płany čynoŭnikaŭ Ministerstva suviazi i infarmatyzacyi raptoŭna źmianilisia.
Zapłanavanaja prafiłaktyka pieranosicca na 28 krasavika «ŭ suviazi ź nieabchodnaściu tranślacyi asabliva važnaj televizijnaj pieradačy», havorycca ŭ paviedamleńni BPRČ.
Ź mierkavanych padziej pieršaj pałovy dnia možna ŭzhadać chiba što pramuju liniju z prezidentam Rasii Uładzimiram Pucinym. Adnak padziei takoha kštałtu ŭ susiedniaj krainie tranślavaŭ tolki telekanał «RTR-Biełaruś».
Jašče adna padzieja — udzieł Alaksandra Łukašenki ŭ samicie isłamskich dziaržaŭ u Turcyi.