Cykłon sa Skandynaŭskaha paŭvostrava pryniasie ŭ Biełaruś u pieršuju pałovu tydnia prachałodnyja i vilhotnyja pavietranyja masy z poŭnačy Jeŭropy. Pra heta raspavioŭ načalnik słužby hidramietearałahičnych prahnozaŭ Respublikanskaha hidramietcentra Dźmitryj Rabaŭ.
U aŭtorak, 19 krasavika, nočču budzie pieravažna biez apadkaŭ, dniom na bolšaj častcy terytoryi karotkačasovyja daždžy, u asobnych rajonach mahčymy navalnicy. Tempieratura nočču +1 + 7°S, pry prajaśnieńniach 0 — -2°S; dniom +9 — +15°S.
U sieradu nočču miescami, dniom na bolšaj častcy terytoryi karotkačasovyja apadki (doždž, mokry śnieh). Ranicaj i dniom miescami ŭzmacnieńnie vietru paryvami da 15—20 m/s. Tempieratura nočču +1 — 6°S, pry prajaśnieńniach 0 — -2°S; dniom ad + 4°S pa poŭnačy da + 11°S pa paŭdniovym uschodzie.
U čaćvier, 21 krasavika, nočču miescami, dniom pieravažna pa ŭschodniaj pałovie karotkačasovyja apadki (doždž, mokry śnieh). Nočču miescami, dniom na bolšaj častcy terytoryi ŭzmacnieńnie vietru paryvami da 15—20 m/s. Tempieratura nočču -3 — + 3°S, dniom +4 — +11°S.
U piatnicu, praz krainu budzie prachodzić čarhovy atmaśfierny front z Bałtyjskaha mora i pryniasie nočču miescami, dniom na bolšuju častku terytoryi karotkačasovyja daždžy, pa paŭnočnym uschodzie z mokrym śnieham. Tempieratura nočču -3 — +4°S, dniom +6 — +13°S, pa poŭdni da +15°S.
U vychodnyja charaktar nadvorja istotna nie źmienicca.
