Žychar Małaryckaha rajona na traktary sprabavaŭ niezakonnaha pierasiačy biełaruska-ŭkrainskuju miažu.
gpk.gov.by
Jak paviedamili ŭ pres-słužbie Bresckaj pahraničnaj hrupy, ranicaj 12 maja ŭ pamiežnaj pałasie byŭ vyjaŭleny traktar «MTZ» biez rehistracyjnych numaroŭ, jaki nakiroŭvaŭsia ŭ bok dziaržaŭnaj miažy. Patrabavańni pamiežnikaŭ spynicca traktaryst praihnaravaŭ i praciahnuŭ ruch u bok miažy z Ukrainaj u abjezd punkta sproščanaha propusku «Votčyn — Huta» na terytoryi Małaryckaha rajona.
Paśla papieradžalnych strełaŭ uvierch ź sihnalnaha pistaleta parušalnik byŭ zatrymany.
U dačynieńni da žychara Małaryckaha rajona, jaki kiravaŭ traktaram, supracoŭnikami Bresckaj pahraničnaj hrupy pravodzicca pravierka pa prykmietach składu złačynstva, praduhledžanaha č. 1 art. 371 KK (naŭmysnaje niezakonnaje pierasiačeńnie Dziaržaŭnaj miažy Respubliki Biełaruś z vykarystańniem miechaničnaha transpartnaha srodku).
