Hetymi dniami ŭ Minsku prachodzić Čempijanat Jeŭropy siarod dziaŭčat da 17 hadoŭ. Vosiem najmacniejšych kamand staroha kantynientu vyjaśniajuć najmacniejšaha, užo pryjšła para paŭfinałaŭ.
Napiaredadni hałoŭnaha startu turniru «Naša Niva» skłała rejtynh samych pryhožych biełaruskich futbalistak.
Maryna Buzunava
Abaronca FK «Minsk», raniej hulała ŭ «Babrujčancy». Naradziłasia ŭ vioscy Maściščy Białynickaha rajona. Lubimymi spartsmienami jana nazyvaje Majkła Džordana i Usejna Bołta, a lubimym kłubam – łondanski «Čełsi».
Nastaśsia Charłanava
Dziaŭčyna taksama pradstaŭlaje «Minsk», raniej jana vystupała ŭ Homieli. U ankiecie na kłubnym sajcie paznačana, što jana maryć hulać «jak Bekchem». Pieražyvaje za zbornuju Hiermanii, a lubimaja strava – blinčyki ź miasam.
Valeryja Karačun
Soniečnaja futbalistka staličnaj «Zorki-BDU». U svoj čas była kapitanam moładzievaj zbornaj Biełarusi, a ciapier stabilna vyklikajecca ŭ nacyjanalnuju.
Maryna Lisava
Abaronca mahiloŭskaj «Nadziei», kandydat u majstry sporta. Futbołam zajmajecca ad 2006 hoda. Uvieś čas była ŭ struktury mahiloŭskaj kamandy. Dvuchrazovy bronzavy pryzior čempijanataŭ Biełarusi.
Dzina Łoban
Pradstaŭnica futbolnaha kłuba «Słavianka» (Minsk). Dzina nie tolki hulaje za kamandu, ale i administruje staronki «Słavianki» ŭ sacyjalnych sietkach.
Hanna Kaziupa
Jašče adna pradstaŭnica našaha fłahmana – FK «Minsk». Dziaŭčyna hulaje na pazicyi abaroncy. Jana maje za plačyma dośvied hulni ŭ Polščy za kamandu MUKS Praga-Warszawa. U Polščy dziaŭčyna taksama atrymlivała adukacyju. Sama jana rodam z Bresta.
Alena Kušnier
Napadajučaja «Zorki-BDU». Dziaŭčyna ličyć futboł spravaj svajho žyćcia. Svaim devizam jana ličyć słovy «Budź zaŭsiody saboj».
Alena Kanaplańnikava
Vystupaje za mahiloŭskuju «Nadzieju». Kaža, što dla pavieličeńnia kolkaści hledačoŭ na matčach pa žanočym futbole patrebna bolš rekłamy. «Kali chłopiec skaža «ci ja, ci futboł», to nam budzie nie pa darozie», — kazała jana.
Jaŭhienija Lehčankova
Raniej hulała sama, a ciapier treniruje ŭ kamandzie «Homiel»-SDIUŠAR №8. Hetaja kamanda, na žal, nie zmahła prajści licenzavańnia i ciapier nie ŭdzielničaje ŭ čempijanacie.
Alaksandra Sokał
U jakaści bonusu pradstaŭlajem byłuju hałkipier nacyjanalnaj zbornaj Biełarusi Alaksandra Sokał. Ciapier jana zaviazała z futbołam, a ŭsio bolš addaje pieravahu madelnamu biznesu. Sokał źjaŭlajecca siabroŭkaj futbalista Maksima Vitusa, jaki ciapier vystupaje za charvacki «Split».