U Minsku Frunzienskim rajonnym adździełam Śledčaha kamiteta raspačata kryminalnaja sprava ŭ dačynieńni da 34-hadovaha minčuka, jaki padazrajecca ŭ machinacyjach u śfiery budaŭnictva.
Jak paviedamili ŭ SK Biełarusi, vyjaŭlena, što za dva hady mužčyna ašukanskim šlacham zavałodaŭ hrašyma čatyroch hramadzian na sumu bolš jak 860 miljonaŭ rubloŭ. Padman zaklučaŭsia ŭ abiacańni paspryjać u zaklučeńni dahavoraŭ na lhotnaje budaŭnictva žyłych pamiaškańniaŭ i vydzialeńni ziamielnych učastkaŭ u Minskim rajonie. Adnak mahčymaści vykanać uziatyja na siabie abaviazacielstvy ŭ padazravanaha nie było.
Padazravany zatrymany. Raspačataja kryminalnaja sprava pa č. 4 art. 209 KK (machlarstva, ździejśnienaje ŭ asabliva bujnym pamiery).
Uličvajučy ciažar ździejśnienaha złačynstva, śledstva maje namier chadajničać pierad prakuroram pra ŭžyvańnie da zatrymanaha miery strymańnia ŭ vyhladzie zaklučeńnia pad vartu.
