Try čałavieki zahinuli ŭ Francyi z-za pavodak, paviedamlajuć infarmahienctvy.
Daždžy ŭ Francyi parušyli narmalnuju pracu transpartu, enierhietyčnaha kompleksu, kaviarniaŭ i restaranaŭ, niekatorych sacyjalnych abjektaŭ.
Pavodle apošniaj infarmacyi, muziej Łuŭr budzie niedastupny dla naviedvańnia da 6 červienia. Takoje rašeńnie pryniała administracyja muzieja. Niekatoryja pracy, jakija zachoŭvajucca ŭ adnym z samych papularnych u śviecie muziejaŭ, užo pieraniesienyja ŭ biaśpiečnyja miescy. Jak minimum da 7 červienia budzie začynieny muziej Arse.
Z-za pavodki mnohija turystyčnyja abjekty karektujuć hrafik pracy, tamu tysiačam padarožnikaŭ ciapier prychodzicca źmianiać svaje płany. Tyja, chto ŭsio ž taki vyrašajecca adpravicca ŭ Paryž, vymušanyja ahladać stalicu na nadzimanych łodkach.
Mocnyja liŭni ŭ Francyi praciahvajucca niekalki dzion. Za hety čas uzrovień vady ŭ race Siena ŭ Paryžy dasiahnuŭ adznaki 6 m, što źjaŭlajecca rekordam apošnich dziasiatkaŭ hadoŭ.
