Dart Vejder, antahanist i baćka Luka Skajuokiera z aryhinalnaj tryłohii «Zornyja vojny», źjavicca ŭ śpin-of «Izhoj-adzin», premjera jakoha zapłanavanaja na kaniec hoda.
movieweb.com
Vejder vierniecca ŭ zvykłym starejšamu pakaleńniu svaich prychilnikaŭ vobrazie — u čornaj mascy, płaščy i z charakternym ciažkim dychańniem. Chto vykanaje rolu Vejdera, nieviadoma — Devidu Praŭsu, jaki syhraŭ złydnia ŭ pieršaj tryłohii, užo kala 80 hadoŭ.
Adnak paviedamlajecca, što ahučyć jaho Džejms Erł Džons, jaki ahučvaŭ aryhinalnaha Vejdera.
Siužet filma razhortvajecca vakoł hrupy paŭstancaŭ, jakija vykonvajuć misii suprać nabirajučaj siłu Hałaktyčnaj impieryi. Ich lidar Džyn Ersa (Fielisici Džons) budzie hałoŭnym hierojem filma. Na hałoŭnuju žanočuju rolu razhladalisia taksama Runi Mara i jaje siastra Kiejt.
U filmie zdymiecca Mads Mikielsan, viadomy pa filmie «Kazino «Rajal»» i sieryjale «Hanibał». Łaŭreat «Oskara» Forest Uitakier, jaki u 2007 hodzie syhraŭ hałoŭnuju rolu ŭ abłaščanym krytykami filmie «Apošni karol Šatłandyi», u «Izhoi» vykanaje rolu So Hierery, adnaho ź piersanažaŭ multsieryjała «Vojny kłonaŭ».
Suśvietnaja premjera filma zapłanavanaja na 15 śniežnia. Režysioram filma staŭ Haret Edvards, jaki pracavaŭ nad «Hadziłaj».
