Suzasnavalnikami premii źjaŭlajucca HA «Sajuz biełaruskich piśmieńnikaŭ», Biełaruski PEN-Centr i Mižnarodny dabračynny fond «Viartańnie».
Uznaharoda budzie ŭručacca pierakładčykam za mastackuju pierakładnuju knihu, jakaja była apublikavanaja ŭ hodzie, što papiaredničaje hodu naminacyi na hetuju premiju. U vyklučnych vypadkach, kali pierakład na biełaruskuju movu rabiŭsia niekalkimi asobami, premija moža być padzielenaja pamiž imi.
Naminavać pretendentaŭ na premiju mohuć vydaŭcy, tvorčyja abjadnańni i sami pierakładčyki. Na ich lažyć abaviazak pradstavić da 15 vieraśnia na razhlad žury premii elektronnyja viersii i dva papiarovyja asobniki naminavanych knih. Papiarovyja asobniki prymajucca pa adrasie Sajuza biełaruskich piśmieńnikaŭ (220012, Minsk, vuł. Kuźmy Čornaha, 31-906), elektronnyja varyjanty – na adras: [email protected]
Premija za najlepšuju knihu ŭ žanry mastackaha pierakładu zasnavanaja ŭ honar vydatnaha biełaruskaha litaraturnaha pierakładčyka Karłasa Šermana (1934 – 2005) i nosić jaho imia. Płanujecca, što pieršaja cyrymonija ŭznaharodžańnia adbudziecca ŭ dzień naradžeńnia Karłasa Šermana, 25 kastryčnika.
Skład žury budzie abvieščany dadatkova.
