«Nam patrebny ryvok u našych adnosinach. Treba vyjści navat nie na novuju prystupku, a arbitu ŭ adnosinach z Kitajskaj Narodnaj Respublikaj. Vy bačycie, što jany da hetaha hatovyja, — zajaviŭ kiraŭnik dziaržavy.

— Ja baču, što jany z adkrytym sercam i dušoj iduć nam nasustrač. U mianie vielmi blizkija siabroŭskija adnosiny z kiraŭnictvam KNR, i z byłym, i asabliva ź ciapierašnim kiraŭnikom».

Kiraŭnik krainy zapatrabavaŭ, kab, adpaviedna, i biełaruski bok byŭ hatovy apieratyŭna reahavać na isnujučyja mahčymaści ŭ raźvićci supracoŭnictva.

«I tut hałoŭnaje — vaša praca. Vielmi b chacieŭ, kab vy nie skacilisia, jak mnohija pasły, kab źviartacca ŭ svaju krainu z pasłańniami: kitajcy prapanujuć, a našy nie mohuć. Napisaŭ, i ŭsio dobra.

Paskardziŭsia, potym pry sustrečy mnie možacie pra heta dałažyć. Mnie hetaha nie treba. Vy pavinny damahčysia taho, kab byli realizavany samyja śmiełyja, rašučyja prapanovy ŭ adnosinach z Kitajskaj Narodnaj Respublikaj», — padkreśliŭ Alaksandr Łukašenka.

«Pra nas jany buduć zaŭsiody pamiatać, prymać rašeńni, kali my budziem metanakiravana pracavać u dobrym nakirunku. Tady budzie vynik. A kali prosta zvyčajna, to budzie, jak zvyčajna. Ale ž vy razumiejecie, što ja nie paciarplu takoj pracy ni z boku pasolstva, ni z boku MZS. Bo heta — naša budučynia, kali my z Kitajem budziem mieć takija adnosiny. Ci možacie adčuć i pradstavić, jaki hruz adkaznaści na vas lažyć», - skazaŭ kiraŭnik krainy, źviartajučysia da Kiryły Rudaha.

Asobnaje daručeńnie kiraŭnik dziaržavy daŭ u dačynieńni da padrychtoŭki majučaha adbycca dziaržaŭnaha vizitu ŭ Kitaj, jaki, jak čakajecca, pavinien adbycca ŭ dvaccatych datach vieraśnia 2016 hoda.

Razmaŭlajučy z pradstaŭnikami ŚMI, Kirył Rudy adznačyŭ, što mienavita hety kirunak pracy budzie ŭ liku jaho pieršych krokaŭ na novaj pasadzie. «Treba napoŭnić jaho (vizit) maksimalna, kab tyja damoŭlenaści, jakija buduć dasiahnuty padčas vizitu, sapraŭdy stali darožnaj kartaj i potym realizoŭvalisia na praciahu niekalkich hadoŭ. I kab hety ryvok sapraŭdy mieŭ praciah i vyniki jak dla Biełarusi, tak i dla Kitaja», — skazaŭ jon.

Kirył Rudy taksama padkreśliŭ, što pryznačeńnie pasłom u KNR źjaŭlajecca dla jaho vialikaj adkaznaściu i honaram.

«Viadoma, usie mahčymyja i niemahčymyja instrumienty buduć vykarystany na toje, kab zrabić praryŭ u dvuchbakovych adnosinach. Kitaj imkliva raźvivajecca. Heta suśvietnaja dziaržava», - padkreśliŭ jon.

U liku pryjarytetaŭ Kirył Rudy nazvaŭ handlova-ekanamičnaje supracoŭnictva, u tym liku ŭzajemadziejańnie ŭ ramkach ekanamičnaha pojasa Šaŭkovaha šlachu, realizacyju bujnych inviestycyjnych prajektaŭ z akcentam na ich surjoznuju prapracoŭku i efiektyŭnaść, raźvićcio Kitajska-biełaruskaha industryjalnaha parku, a taksama rehijanalnaje supracoŭnictva.

Клас
Панылы сорам
Ха-ха
Ого
Сумна
Абуральна