U sud Čyhunačnaha rajona Homiela 12 lipienia pastupiła na razhlad kryminalnaja sprava ŭ dačynieńni da 36-hadovaha miascovaha žychara.
Mužčyna abvinavačvajecca pa artykule 339 Kryminalnaha kodeksa Biełarusi (asabliva złosnaje chulihanstva), paviedamiła BiełaPAN pres-sakratar Homielskaha abłasnoha suda Volha Barsukova.
Incydent zdaryŭsia sioleta ŭ krasaviku pozna ŭviečary kala prypynku hramadskaha transpartu ŭ pryharadzie Homiela, u pasiołku Kaściukoŭka.
Miascovy žychar pačaŭ čaplacca da dźviuch dziaŭčat, da śpiny adnoj ź ich prystaviŭ hazavy pistalet i zahadaŭ nie ruchacca. Siabroŭka dziaŭčyny, jakaja znachodziłasia na siomym miesiacy ciažarnaści, paprasiła prybrać pistalet, ale toj navioŭ zbroju na jaje tvar i streliŭ.
Paciarpiełaja nie atrymała cialesnych paškodžańniaŭ, ale pieraniesła stan šoku.
Na kryki prybiehli minaki, jakija zatrymali chulihana i pieradali milicyi.
U mužčyny nie było dazvołu na našeńnie takoha typu zbroi. Sud moža pakarać jaho pazbaŭleńniem voli na termin ad 3 da 10 hadoŭ.