Reuters.com

Reuters.com

«Sakratar Klintan vyjhrała naminacyju ad demakrataŭ, i ja vinšuju jaje z hetym. Jana pojdzie na vybary ad Demakratyčnaj partyi, i ja maju namier zrabić usio, što ŭ maich siłach, kab dapamahčy joj stać nastupnym prezidentam ZŠA», — havorycca ŭ zajavie na sajcie Sandersa.

Sanders padziakavaŭ 13 miljonam amierykancam, što prahałasavali za jaho, i skazaŭ što na prezidenckich vybarach Klintan budzie najlepšym kandydatam, pryčym «ź vielizarnym adryvam». Byłomu kiraŭniku Dziarždepartamienta ZŠA treba budzie supierničać ź miljarderam Donaldam Trampam, jaki budzie naminavany ad respublikancaŭ.

Sanders ŭ svaim vystupie paabiacaŭ praciahnuć «palityčnuju revalucyju»: mienavita tak usprymajuć prychilniki jaho kampaniju, praviedzienuju pad sacyjalistyčnymi łozunhami i niečakana zmusiŭšuju Klintan pazmahacca za naminacyju.

«Ciapier naša zadača — pierakanacca, što naša prahresiŭnaja prahrama budzie ŭvasoblena ŭ žyćcio demakratyčnym sienatam i kanhresam i prezidentam Chiłary Klintan», — reziumavaŭ sienatar.

Z taho času, jak stała zrazumieła, što Sanders nie budzie naminavany ŭ 2016 hodzie, i Tramp, i Klintan praciahvajuć sproby pryciahnuć jaho davoli šyroki elektarat na svoj bok. Tramp pry hetym časta kaža pra suviaź Klintan z Uoł-stryt i «vialikimi hrašyma», a Klintan nahadvaje pra antymihranckija pazicyi Trampa.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?