14 lipienia ŭmovy nadvorja Biełarusi buduć vyznačać aktyŭnyja atmaśfiernyja franty ad cykłonu, što pieramiaščajecca z poŭnačy Italii na Litvu. Čakajecca pieramiennaja vobłačnaść. Nočču miescami, dniom na bolšaj častcy terytoryi karotkačasovyja daždžy, navalnicy. U dzionnyja hadziny ŭ asobnych rajonach hrad, pa zachadzie krainy mocnyja liŭni. Nočču i ranicaj miescami słaby tuman. Viecier uschodni, słaby da ŭmieranaha, dniom miescami pry navalnicach škvalisty.
Tempieratura pavietra minimalnaja nočču +12.. + 17°S, maksimalnaja dniom +22.. + 28°S; pa paŭdniovym uschodzie nočču +18.. + 22°S, dniom +29.. + 34°S. Atmaśfierny cisk unačy budzie słaba raści, dniom - słaba padać.
15 lipienia kraina apyniecca pad upłyvam chvalevaha cykłonu, jaki źmiaščajecca praz zachad Biełarusi na Ryžskuju zatoku. Nočču i ranicaj u zachodnich i centralnych rajonach, dniom miescami pa terytoryi projduć karotkačasovyja daždžy.
Miescami prahrymiać navalnicy, nočču mocnyja daždžy, dniom mahčymy hrad. Pa paŭnočna-zachodniaj pałovie mocny paryvisty viecier.
Tempieratura pavietra ŭnačy +15.. + 22°S, pa paŭdniovym zachadzie +12.. + 14°S; dniom +18.. + 25°S, va ŭschodnich rajonach +26.. + 32°S.
16 lipienia vialikaja častka krainy budzie znachodzicca ŭ poli pavyšanaha atmaśfiernaha cisku, sfarmavanym u pavietranaj masie ŭmieranych šyrot, i tolki dniom na poŭdni Biełarusi budzie adčuvacca ŭpłyŭ frantalnaha padziełu i bolš ciopłaha paŭdniovaha pavietra.
Pieravažna biez apadkaŭ, tolki dniom miescami pa poŭdni karotkačasovyja daždžy, mahčymy navalnicy. Tempieratura pavietra nočču +10.. + 17°S, dniom +19.. + 26°S, pa paŭdniovym uschodzie +27.. + 31°S.
