Stambulski sud vyzvaliŭ z-pad varty 758 vajskoŭcaŭ, zatrymanych pa padazreńni ŭ dačynieńni da sproby dziaržaŭnaha pieravarotu, paviedamlaje dziaržaŭnaje infarmahienctva Anadołu.
Zatrymanyja, u tym liku kursanty vajskovych vučelniaŭ, byli adpuščanyja paśla dačy pakazańniaŭ. Sud nie ŭbačyŭ nieabchodnaści trymać ich pad vartaj.
Usiaho sud razhledzieŭ spravy 989 vajskoŭcaŭ, 231 čałaviek byŭ pakinuty ŭ źniavoleńni.
Pa apošnich dadzienych, bolš za dzieviać tysiač čałaviek, bolšaść ź jakich vajskoŭcy, byli aryštavanyja paśla sproby pieravarotu.
Dziasiatki tysiač ludziej, uklučajučy tysiačy univiersiteckich vykładčykaŭ, byli adchilenyja ad svaich pasadaŭ. Byli začynienyja bolš za dźvie tysiačy arhanizacyj.
0
0
0
0
0
0
