U suviazi z pavyšeńniem BPM pavialičvajucca minimalnyja pracoŭnyja i sacyjalnyja piensii, nadbaŭki, pavyšeńni da piensij i dapłaty ludziam va ŭzroście 75 hadoŭ i bolš, dapamohi pa dohladzie invalidaŭ I hrupy abo asoby, jakaja dasiahnuła 80-hadovaha ŭzrostu, a taksama dapamohi na dziaciej.
Ustanoŭleny taksama novy biudžet pražytačnaha minimumu dla asnoŭnych sacyjalna-demahrafičnych hrup nasielnictva: dla pracazdolnych hramadzian — 193,58 rubla, piensijanieraŭ — 34,40, studentaŭ — 170,46, dziaciej da troch hadoŭ — 112,30, dziaciej va ŭzroście ad troch da šaści hadoŭ — 155,82, va ŭzroście ad šaści da vasiamnaccaci hadoŭ — 191,50 rubla.
1 žniŭnia ŭ Biełarusi taksama pavyšany pamiery minimalnych spažyvieckich biudžetaŭ (MSB) dla roznych sacyjalna-demahrafičnych hrup nasielnictva.
MSB na adnaho člena siamji z čatyroch čałaviek ciapier składaje 285,43 rubla (na 3,3% bolš za papiaredni pakazčyk).
MSB dla pracazdolnaha nasielnictva składaje 366,80 rubla, piensijanieraŭ — 288,30, studentaŭ — 271,96, dziaciej va ŭzroście da troch hadoŭ — 233,11, dziaciej va ŭzroście ad troch da šaści hadoŭ — 307,90, dziaciej va ŭzroście ad šaści da vasiamnaccaci hadoŭ — 311, 94, maładoj siamji z troch čałaviek — 312, 24 rubla. Minimalny spažyviecki biudžet ujaŭlaje saboj raschody na nabyćcio naboru spažyvieckich tavaraŭ i pasłuh dla zadavalnieńnia asnoŭnych fizijałahičnych i sacyjalna-kulturnych patreb čałavieka.
Usie novyja pakazčyki buduć dziejničać na praciahu troch miesiacaŭ, pa 31 kastryčnika 2016 hoda.
