Brytanskija amatary siaredniaviečnaj historyi aficyjna abvieścili svaju prapanovu zrabić rycarski boj na kopjach alimpijskim sportam, piša Reuters.
Fota Reuters.
Samym raspaŭsiudžanym vidam rycarskaha spabornictva na turnirach byŭ boj na kopjach — kali dva rycara u daśpiechach skačuć nasustrač i namahajucca vybić adzin adnaho ź siadła.
«Boj na kopjach varta pryznać jeŭrapiejskim bajavym mastactvam i dadać da alimpijskich vidaŭ sportu», — ličyć sučasny prafiejsijny turnirny bajec Daminik Śjuŭeł.
«Zaraz turniry pravodziacca ad Rasii da Aŭstralii i zachodniaj Kalifornii. Kapiejnyja bai robiacca sapraŭdnym mižnarodnym sportam», — dadaje jon.
Śjuŭeła padtrymlivaje dabračynny fond English Heritage, jaki finansuje histaryčnyja pomniki, zamki i inšyja pamiatnyja miescy. English Heritage skłaŭ adpaviednuju anłajn-pietycyju.
Entuzijasty adznačajuć, što z «kalaturnirnych» vidaŭ sporta alimpijskimi ŭžo źjaŭlajucca fiechtavańnie, konnyja vidy sportu i navat stralba z łuka. A rycarskija daśpiechi i kopja mohuć ličycca takim ža spartyŭnym ryštunkam, jak ryštunak fiechtavalščykaŭ.
