Deputat ad «Baćkaŭščyny» Nadzieja Saŭčanka zajaviła, što abviaščaje haładoŭku, pratestujučy suprać «biaździejnaści ŭład i śvietu» u pytańni vyzvaleńnia ŭkrainskich zakładnikaŭ.
Reuters
Pra heta jana skazała na pres-kanfierencyi 2 žniŭnia.
Pavodle jaje słoŭ, «abmien vajennapałonnych i palitviaźniaŭ z Rasii ciapier nie adbyvajecca, paśla taho, jak hetaje pytańnie pieraviali ŭ palityčnuju płoskaść».
«Ja prapanoŭvała prezidentu realnyja dziejańni dla abmienu pałonnymi: treba pačać addavać ludziej pieršymi. Ale ŭ pałonie nie siadziać dzieci Piatra Alaksiejeviča, a na vašych dziaciej jamu plavać. Tamu što kožny pavinien zmahacca za svajho, jak za mianie zmahalisia siastra i maci. Vychodźcie na Bankavuju, patrabujcie sustrečy i spravazdačy ad prezidenta jak ad haranta Kanstytucyi…», — zajaviła Saŭčanka.
Jana adznačyła, što ŭ ciapierašni čas spoŭniłasia 2 miesiacy i 6 dzion z momantu jaje vyzvaleńnia z rasijskaha pałonu.
Saŭčanka nahadała, što adnym ź miechanizmaŭ paskareńnia jaje vyzvaleńnia byŭ pratest hoładam.
«Ź siońniašniaha dnia ja znoŭ abviaščaju hoład. Na biaździejnaść tych, chto znachodzicca va ŭładzie usiaho śvietu, adnosna vyzvaleńnia ŭkrainskich źniavolenych da dnia stanoŭčaha vyniku», — zajaviła deputat.
