Šmathadovy lidar biełaruskaha nastolnaha tenisa Uładzimir Samsonaŭ vyjšaŭ u 1/8 finału (čaćviorty kruh) alimpijskaha turniru ŭ Brazilii.
Spartsmien, jaki zajmaje 9-je miesca ŭ suśvietnym rejtynhu, startavaŭ 8 žniŭnia z treciaha raŭnda, u jakim vyjhraŭ u švieda Kryścijana Karłsana (27) — 4:2 (9:11, 11:7, 8:11, 11:5, 11:7, 11:8).
Nastupnym supiernikam Samsonava budzie Poł Drynkchał ź Vialikabrytanii (58), jaki pieramoh charvata Andreja Hačynu (19) — 4:2.
Dla 40-hadovaha Samsonava heta šostaja Alimpijada. U 1996 i 2000 hadach jon dachodziŭ da čverćfinału, u 2004, 2008 i 2012 hadach — da 1/8 finału.
0
0
0
0
0
0
