Napad Rasii na Hruziju byŭ prałoham rasiejskaj vajny suprać Ukrainy, pierakanany prezident Ukrainy Piatro Parašenka.
Pra heta skazana ŭ raźmieščanaj na jaho staroncy ŭ Facebook zajavie.
«Toje, što vosiem hadoŭ tamu bačyli tolki najbolš prazorlivyja, siońnia vidavočna ŭsim: napad Rasii na Hruziju byŭ prałoham rasijskaj vajny suprać Ukrainy. Palityka supakajeńnia ahresara zbankrutavała siabie jašče ŭ 2008 hodzie. Bolš za toje, jana tolki raspaliła apietyty Kramla. Tady sumiesnymi namahańniami transatłantyčnaja supolnaść jašče mahła łakalizavać drapiežnaha miadźviedzia ŭ jaho biarłozie. Heta byŭ pavučalny ŭrok historyi, svoječasova nie zasvojeny», — padkreśliŭ Parašenka.
«Ukraina siońnia mužna trymaje abaronu na ŭschodniaj miažy Jeŭropy. Surovyja vyprabavańni ŭzmacnili pačućcio siabroŭstva i salidarnaści pamiž ukrainskim i hruzinskim narodami. My jak nichto inšy ščyra i paśladoŭna padtrymlivajem adnaŭleńnie terytaryjalnaj cełasnaści Hruzii. I jasna, što nikoli nie pryznajem rasijskich maryjanietačnych režymaŭ u Abchazii i Paŭdniovaj Asiecii», — zapeŭniŭ prezident.
