Pra nieabchodnaść «poŭnaj kancentracyi na vystupleńni i zasiarodžanaści na maksimalny vynik» išła razmova na pracoŭnym schodzie biełaruskaj alimpijskaj delehacyi ŭ Rya-de-Žaniejra, paviedamiła 10 žniŭnia pres-słužba Nacyjanalnaha alimpijskaha kamiteta.
Naradu praviali pieršy vice-prezident NAK Maksim Ryžankoŭ i ministr sportu i turyzmu Alaksandr Šamko.
«Kiraŭnikami spartyŭnaj haliny była dadziena jak krytyčnaja acenka biahučym vynikam spartsmienaŭ, tak i adznačany pazityŭnyja momanty. Pierad kožnym z atletaŭ pastaŭleny kankretnyja zadačy pa nastupnych vystupleńniach», — havorycca ŭ paviedamleńni.
Pavodle infarmacyi NAK, u štabie adbyŭsia malebien «za ŭsich biełaruskich spartsmienaŭ, jakija vystupajuć na Alimpijadzie-2016». Nabaženstva pravioŭ nastajaciel chrama Śviatoj pakutnicy Zinaidy ajciec Sierhij (prychod Ruskaj pravasłaŭnaj carkvy Maskoŭskaha patryjarchatu ŭ Rya-de-Žaniejra).
Za čatyry pracoŭnyja dni XXXI letnich Alimpijskich hulniaŭ, 6—9 žniŭnia, razyhrana 55 kamplektaŭ uznaharod, jakija dastalisia spartsmienam 47 krain. Pradstaŭnikoŭ Biełarusi siarod ich niama.