Fota vsluh.net.
Adkaznaść za zachavańnie i zabieśpiačeńnie naležnaha funkcyjanavańnia abjekta ŭskładziena na Nacyjanalnuju akademiju navuk Biełarusi, ad imia jakoj adpaviednyja funkcyi budzie vykonvać dziaržaŭnaja navukovaja ŭstanova «Instytut hienietyki i cytałohii Nacyjanalnaj akademii navuk Biełarusi». Instytut źjaŭlajecca viadučym navukova-daśledčym centram u Biełarusi ŭ halinie bijatechnałohii, hienietyki i hienomiki čałavieka, žyvioł, raślin i mikraarhanizmaŭ.
U pracesie realizacyi roznych prahram u instytucie nazapašany ŭzory DNK čałavieka, žyvioł, raślin i mikraarhanizmaŭ i bijałahičnaj tkanki — aryhinalny bijałahičny materyjał, ź jakoha byŭ atrymany ŭzor DNK. Uzory zhrupavany ŭ śpiecyjalizavanyja kalekcyi, jakija ŭjaŭlajuć saboj kaštoŭnyja hienietyčnyja resursy.
Pa stanie na 1 červienia respublikanski bank DNK naličvaje 9 608 uzoraŭ i ŭklučaje ŭ siabie čatyry raździeły:
- bank DNK čałavieka;
- bank DNK žyvioł;
- bank DNK raślin;
- bank DNK mikraarhanizmaŭ.
Kožny raździeł pradstaŭleny kalekcyjaj uzoraŭ DNK dla praciahłaha zachoŭvańnia i kalekcyjaj uzoraŭ DNK dla navukovych met.
Naprykład, bank DNK čałavieka daje mahčymaść śpiecyjalistam vyvučać fundamientalnyja prablemy hienietyki čałavieka. Uličvać indyvidualnyja hienietyčnyja asablivaści spartsmienaŭ u chodzie trenirovak dla dasiahnieńnia vysokich spartyŭnych rezultataŭ, zachoŭvajučy ich zdaroŭje. Vyvučać indyvidualnuju adčuvalnaść da lekavych preparataŭ, a taksama sadziejničać vyrašeńniu pytańniaŭ u halinie kryminalistyki.
«Najaŭnaść šmatprofilnaha respublikanskaha banka DNK, jaki pastajanna papaŭniajecca, zabiaśpiečyć śpiecyjalistaŭ unikalnaj hienietyčnaj infarmacyjaj, jakaja moža akazać nieacenny ŭpłyŭ na raźvićcio bijatechnałohii ŭ našaj krainie, pradastavić mahčymaść vykanańnia navukovaj raboty ŭ ramkach bujnamaštabnych daśledavańniaŭ u Biełarusi i za jaje miežami, pavysić dakładnaść acenki atrymanych vynikaŭ, a taksama vyrašyć mnohija prablemy miedycyny, sielskaj haspadarki i achovy navakolla», — adznačyli ŭ pres-słužbie.
Akramia taho, respublikanski bank DNK budzie sadziejničać efiektyŭnamu vykanańniu Stratehičnaha płana ŭ halinie zachavańnia i ŭstojlivaha vykarystańnia bijałahičnaj raznastajnaści na 2011-2020 hady ŭ ramkach Kanviencyi ab bijałahičnaj raznastajnaści, adnym z bakoŭ jakoj źjaŭlajecca Biełaruś, i Nahojskaha pratakoła rehulavańnia dostupu da hienietyčnych resursaŭ i sumiesnaha vykarystańnia na spraviadlivaj i roŭnaj asnovie vyhad ad ich prymianieńnia da Kanviencyi ab bijałahičnaj raznastajnaści.