Brazilskaja palicyja kanfiskavała pašparty, kampjutary, mabilnyja telefony i kvitki ŭ troch siabroŭ alimpijskaj rady Irłandyi. Pra heta piša The Irish Times.
Irish Times
Rečy spartyŭnych čynoŭnikaŭ byli kanfiskavanyja paśla praviadzieńnia pieratrusu ich numaroŭ u hateli ŭ Rya-de-Žaniejra.
Ich dapytajuć 23 žniŭnia ŭ ramkach rasśledavańnia spravy ab śpiekulacyi kvitkami na alimpijskija spabornictvy.
17 žniŭnia ŭ ramkach hetaj ža samaj akcyi ŭ Rya-de-Žaniejra byŭ zatrymany kiraŭnik Jeŭrapiejskaha alimpijskaha kamiteta Patryk Chiki, jaki źjaŭlajecca členam vykankama MAK. Jaho padazrajuć u pieradačy kvitkoŭ na alimpijskija spabornictvy śpiekulantam, jakija zajmalisia ich pieraprodažam pa zavyšanych cenach.
Pa dadzienych brazilskaj palicyi, alimpijski kamitet Irłandyi naniaŭ dla realizacyi biletaŭ na Alimpijadu kampaniju Pro 100, jakaja pieradała ich kampanii THG Sports, dyrektar jakoj Kievin Džejms Małan byŭ taksama zatrymany pa padazreńni ŭ śpiekulacyi kvitkami.
