Najbujniejšyja banki Baku ŭ vychodnyja abmiežavali abo całkam spynili prodaž klijentam valuty biez tłumačeńnia pryčyn, paviedamlaje Bloomberg. Maksimalnaja suma, jakuju možna abmianiać u kredytnych arhanizacyjach azierbajdžanskaj stalicy, składaje 500 dalaraŭ.
Abmiežavańni vyklikali rost tarhoŭ valutaj na čornym rynku, dzie dalar vyras da 1,7 manata u paraŭnańni z aficyjnym kursam u 1,62 manata. Na biržy amierykanskaja valuta taksama padaražeła da 1,68 dalara.
Usiaho z pačatku hoda manat patańnieŭ na siem pracentaŭ, što zrabiła jaho adnoj z horšych valut hoda ŭ byłym SSSR. Jašče bolš słabyja vyniki pakazaŭ tolki tadžykski samoni.
U 2015 hodzie manat byŭ devalvavany dvojčy. U pieršy raz heta adbyłosia ŭ lutym, kali CB Azierbajdžana źniziŭ jaho kurs na tracinu. U śniežni, paśla pierachodu na płavajučy kurs, manat straciŭ jašče kala pałovy svajho koštu.
