U Biełarusi nieabchodna mianiać sistemu charčavańnia dziaciej, zajaviŭ na pres-kanfierencyi 22 žniŭnia ŭ Minsku načalnik adździeła charčavańnia Navukova-praktyčnaha centra Nacyjanalnaj akademii navuk pa charčavańni Valeryj Šyłaŭ.
«Šmatlikija epidemijałahičnyja daśledavańni, praviedzienyja ŭ našaj krainie z udziełam zamiežnych śpiecyjalistaŭ u tym liku, pakazali, što prykładna 77% našych školnikaŭ niezdarovyja, — skazaŭ pradstaŭnik NAN. — Nie skažu, što absalutna ŭsie zachvorvańni źviazanyja z charčavańniem, ale peŭny jaho składnik prysutničaje. Mała taho, padčas navučańnia ad 6 da 12 hadoŭ kolkaść chvorych dziaciej pavialičvajecca ŭdvaja. I heta taksama daje padstavu zadumacca ab nieabchodnaści niejkaj racyjanalizacyi charčavańnia dziaciej».
Šyłaŭ upeŭnieny, što nieabchodna vyvučyć zamiežny vopyt, u pryvatnaści Finlandyi, dzie sistema charčavańnia zusim inšaja — jano dziaržaŭnaje, biaspłatnaje i na pryncypie samaabsłuhoŭvańnia. «Akramia taho, u Finlandyi dziciačaje charčavańnie — heta nacyjanalnaja palityka, — skazaŭ jon. — Raniej tam była prablema z vysokim zachvorvańniem chvarobami sardečna-sasudzistaj sistemy, ludzi spažyvali šmat tłuščaŭ, soli. Ciapier situacyja rezka źmianiłasia. I ŭsio dziakujučy tamu, što ŭrad ŭziaŭsia za vyrašeńnie hetaj prablemy».
Pradstaŭnik NAN prapanavaŭ zadumacca nad mahčymaściu arhanizacyi ŭ Biełarusi na padstavie finskaha vopytu nacyjanalnaha savieta pa charčavańni, jaki b kaardynavaŭ pracu ŭsich zacikaŭlenych orhanaŭ — Ministerstva achovy zdaroŭja, Minadukacyi, Minhandlu i h. d. U hety saviet pavinny ŭvachodzić i pradstaŭniki hramadskaści — administracyi škoł i dziciačych sadoŭ, nastaŭniki, baćki.
Mienavita z metaj źmieny isnaj sistemy dziciačaha charčavańnia sioleta startuje maštabny prajekt pa vyvučeńni rynku dziciačaha charčavańnia. «Naš centr z dapamohaj Instytuta sistemnych daśledavańniaŭ u APK NAN Biełarusi ŭ hetym hodzie pačynaje raźličany na try hady prajekt, zadačaj jakoha budzie vyvučeńnie rynku dziciačaha charčavańnia», — skazaŭ Šyłaŭ.
Pavodle jaho słoŭ, u Biełarusi «z hetym pytańniem nie ŭsio zrazumieła, tamu što markiroŭka dziciačaj pradukcyi časta na praduktach, jakimi charčujucca dzieci, adsutničaje i vielmi ciažka heta dziciačaje charčavańnie vyłučyć».
Šyłaŭ ličyć nieabchodnym razabracca, jakaja kolkaść zamiežnych tavaraŭ i jakoj jakaści prapanavana na rynku dziciačaha charčavańnia. «Heta treba dla taho, kab pavialičyć tut dolu ajčynnaj pradukcyi, — adznačyŭ jon, — a kali nieabchodna, to i padciahnuć jaje jakaść da suśvietnaha ŭzroŭniu, kab jana była kankurentazdolnaj nie tolki na ŭnutranym, ale i na źniešnich rynkach».
Jašče adna zadača — heta zrazumieć pieravahi dziaciej, pahladzieć, jak zabiaśpiečanyja charčavańniem roznyja katehoryi dziaciej u roznych rehijonach.
Hety prajekt, ličyć Šyłaŭ, dapamoža dać infarmacyju biełaruskim vytvorcam, u pryvatnaści pradpryjemstvam Minsielhascharča, dla taho, kab jany palepšyli jakaść pradukcyi.
