Daktary ŭ indyjskim horadzie Amrytsar padčas apieracyi dastali sa straŭnika pacyjenta 40 nažoŭ.
Corporate Hospital
Jak udałosia vyśvietlić miedrabotnikam, 42-hadovy mužčyna ŭ litaralnym sensie hłytaŭ nažy. Takaja kolkaść vostrych pradmietaŭ nazapasiłasia ŭ jaho ŭ straŭniku za try miesiacy.
Pa słovach lekaraŭ, pacyjent pryjšoŭ u balnicu na minułym tydni sa skarhaj na mocnyja boli ŭ straŭniku. Pry hetym jon nie pryznaŭsia, što hłytaje nažy. Heta vyśvietliłasia tolki ŭ chodzie abśledavańnia.
Apieracyja praciahvałasia piać hadzin, jaje pravodzili piać lekaraŭ. «Heta była składanaja apieracyja i my pavinny byli ŭsie zahadzia spłanavać, kab jana prajšła paśpiachova», — kaža doktar Džacinder Małcholtra.
Ciapier pacyjent znachodzicca ŭ špitali, jaho žyćciu ŭžo ničoha nie pahražaje. Ciapier daktary sprabujuć vyśvietlić, čamu mužčyna hłytaŭ nažy.
«My nie viedajem dakładnaj pryčyny, ale padobna, što jon pakutuje na niejkaje fizijałahičnaje rasstrojstva. Navat jaho siamja nie viedała pra jaho zvyčku hłytać nažy», — rastłumačyŭ Małcholtra.
Ciapier pacyjentu akazvajecca psichałahičnaja dapamoha. «Jon paabiacaŭ, što jon bolš nikoli nie dakraniecca da naža, ale jaho siamji pryjdziecca sačyć za im», — kaža doktar.
