Televizijnaja fentezi-saha «Hulnia tronaŭ» atrymała premiju «Emi», jakaja prysudžajecca Akademijaj televizijnaha mastactva ZŠA, u naminacyi «najlepšy dramatyčny sieryjał». Uznaharodu atrymaŭ i režysior «Hulni tronaŭ» Mihiel Sapočnik.
Takim čynam, «Hulnia tronaŭ» pastaviła rekord pa kolkaści ŭznaharodaŭ siarod telesieryjałaŭ, sabraŭšy na dadzieny momant usiaho 38 premij «Emi».
U hetym hodzie ŭ hałoŭnaj naminacyi taksama byli pradstaŭleny takija televizijnyja chity, jak «Abactva Dauntan», «Radzima» i «Kartačny domik».
Najlepšym kamiedyjnym sieryjałam pryznany «Vice-prezident», palityčnaja satyra pra žančynu-sienatara, jakaja stanovicca vice-prezidentam.
Čarhovy epizod papularnaha telesieryjała «Šerłak» — «Brydkaja niaviesta» — uznaharodžany za najlepšy televizijny film.
Premjera pieršaha siezona «Hulni tronaŭ» adbyłasia na kanale HBO ŭ krasaviku 2011 hoda. Na dadzieny momant całkam pakazany šeść siezonaŭ televizijnaj sahi.
Premija «Emi» ŭručajecca štohod z 1949 hoda i ličycca televizijnym ekvivalentam «Oskara».