Na hetym tydni čakajecca chałodnaje daždžlivaje nadvorje, paviedamiŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Dźmitryj Rabaŭ
Pavodle jaho słoŭ, siaredniaja tempieratura budzie na 2-4 hradusy nižejšaj za klimatyčnuju normu.
Takoje nadvorje bolš charakternaje dla siaredziny kastryčnika.
«Uvieś tydzień nadvorje buduć farmavać atmaśfiernyja franty ad cykłonu nad centralnymi rehijonami Rasii. Pa jaho pieryfieryi ŭ Biełaruś buduć pastupać chałodnyja i vilhotnyja pavietranyja masy paŭnočnych šyrotaŭ», — adznačyŭ sinoptyk.
U aŭtorak nočču ŭ paŭnočnych rajonach, dniom miescami pa krainie nievialikija karotkačasovyja daždžy. Tempieratura pavietra ŭnačy plus 2—8°S, pa poŭdni na hlebie miescami słabyja zamarazki 0 — minus 2°S, dniom plus 9—15°S.
U sieradu nočču miescami, dniom na bolšaj častcy terytoryi karotkačasovyja daždžy. Tempieratura pavietra ŭnačy plus 2—8°S, dniom plus 9—15°S.
U čaćvier i piatnicu časam daždžy. Tempieratura pavietra ŭnačy plus 3—8°S, dniom plus 8—14°S.
U vychodnyja dni budzie pachmurna, choładna, daždžliva i vietrana. Tempieratura pavietra ŭnačy plus 2—9°S, dniom plus 8—14°S, pa paŭdniovym zachadzie plus 15—17°S
