Zhodna ź pieršaj acenkaj u studzieni—žniŭni 2016 hoda abjom VUP u biahučych cenach skłaŭ 60,8 młrd rubloŭ, abo ŭ supastaŭnych cenach na 3% mienš za ŭzrovień anałahičnaha letašniaha pieryjadu, paviedamiŭ Nacyjanalny statystyčny kamitet.
Źnižeńnie VUP nazirajecca ź minułaha hoda. Z pačatku 2016 hoda tempy padzieńnia zamarudzilisia, adnak ź lipienia znoŭ paskorylisia. Padzieńnie skłała: za studzień — 4,4%, studzień—luty — 4,1%, studzień—sakavik — 3,7%, studzień—krasavik — 3%, studzień—maj — 2,8%, studzień—červień — 2,5%, studzień—lipień — 2,7%.
Indeks-deflatar VUP u studzieni—žniŭni hetaha hoda ŭ dačynieńni da anałahičnaha pieryjadu papiaredniaha hoda skłaŭ 109,4%.
Pavodle apošnich acenak Minekanomiki, VUP Biełarusi moža źnizicca ŭ 2016 hodzie na 2%. «Na žal, ciapierašniaja situacyja pakazvaje nam paharšeńnie źniešnich umoŭ, jakija byli ŭ pieršaj pałovie hoda. Tamu ciapier nami razhladajecca varyjant źnižeńnia VUP Biełarusi na 2% pa vynikach hoda», — paviedamiŭ namieśnik načalnika hałoŭnaha ŭpraŭleńnia makraekanamičnaha analizu i prahnazavańnia Minekanomiki Juryj Ziuziankoŭ, vystupajučy 13 vieraśnia ŭ Pałacie pradstaŭnikoŭ.
Jon taksama adznačyŭ, što aficyjny prahnoz na 2017 hod padrychtavany z ulikam dvuch scenaryjaŭ. Pry siaredniehadavoj canie nafty 35 dołaraŭ za baral čakajecca rost VUP na 0,2%. U toj ža čas kali źniešniaja kanjunktura budzie bolš spryjalnaj i siaredniehadavaja cana nafty ŭ nastupnym hodzie składzie 45 dołaraŭ za baral, to rost VUP adpaviedna — 1,5%, paviedamiŭ Ziuziankoŭ.
Pradstaŭnik Minekanomiki dadaŭ, što ŭ hetym vypadku temp rostu ekanomiki ŭ 2017 hodzie budzie adpaviadać paramietram, zakładzienym u prahramu sacyjalna-ekanamičnaha raźvićcia na 2016—2020 hady.
Mižnarodnyja finansavyja arhanizacyi, jakija vystupajuć kredytorami Biełarusi, prahnazujuć, što recesija ŭ krainie ŭ hetym hodzie zachavajecca. MVF čakaje, što VUP Biełarusi ŭ 2016-m skarocicca na 3%, Jeŭrazijski bank raźvićcia prahnazuje, što ekanamičny spad u krainie składzie 1,9%.
Nahadajem, prahrama sacyjalna-ekanamičnaha raźvićcia na 2016—2020 hady, asnoŭnyja pałažeńni jakoj uchvaleny na Usiebiełaruskim narodnym schodzie, praduhledžvaje, što VUP Biełarusi ŭ hetaj piacihodcy vyraście na 12—15%.
