Ad piatnicy ŭ Biełarusi pachaładała. Tempieratura pavietra ŭ Minsku trymajecca ŭdzień u rajonie 10—12 hradusaŭ ciapła, a siońnia pavinny pajści daždžy. Kp.by pacikaviłasia, kali ŭ stalicy pačniecca ŭklučeńnie aciapleńnia.
«Aciaplalny siezon pačniecca, kali siaredniesutačnaja tempieratura budzie nižej za 8 hradusaŭ piać ci bolš sutak, u adpaviednaści z techničnymi kodeksami pa padrychtoŭcy da praviadzieńnia aciaplalnaha pieryjadu, — patłumačyŭ načalnik adździeła enierhietyki kiravańnia haradskoj haspadarki i enierhietyki Minharvykankama Dźmitryj Płaškoŭ.
«Treba ž uličvać prahnozy i na nastupnyja sutki. U vieraśni ŭ nas ŭklučeńnia aciapleńnia nikoli nie było i naŭrad ci budzie.
Pavodle pastanovy Saŭmina padrychtoŭka da zimy i atrymańnie pašpartoŭ hatoŭnaści pravodzicca da 1 kastryčnika. Padrychtoŭka ŭsich ciepłakrynic i spažyŭcoŭ užo praviedziena, ale nie ŭsio jašče atrymali hetyja pašparty, choć źviarnulisia, viadoma, usio. Paćviardžeńniem padrychtoŭki da zimy źjaŭlajecca aformleny pašpart. Kali pry praviercy vyjavili niejkija niedachopy, to ich likvidujuć i tolki potym atrymlivajuć dakumient», — skazaŭ Płaškoŭ.
Prahnoz nadvorja ŭ Minsku pavodle gismeteo.by
Pavodle pogoda.by