Delfi.lt
U piatnicu, 23 vieraśnia, zachavajecca chaładnavataje nadvorje. Daždžy projduć pieravažna pa ŭschodniaj častcy krainy, adnak i ŭdzień miescami pa Bresckaj i Hrodzienskaj abłaściach nie abydziecca biez karotkačasovych daždžoŭ.
Tempieratura pavietra ŭnačy — +3—8 hradusaŭ vyšej za nul, dniom budzie ŭsiaho +8—14 hradusaŭ ciapła, tolki pa paŭdniovym zachadzie tempieratura pavysicca da +16.
U vychodnyja ŭmovy nadvorja buduć vyznačać niaŭstojlivyja prachałodnyja pavietranyja masy z Bałtyjskaha mora.
U subotu i niadzielu miescami projduć karotkačasovyja daždžy. Nočču i ranicaj u asobnych rajonach zhuścicca tuman. Tempieratura pavietra ŭnačy budzie składać 3-9 hradusaŭ vyšej za nul, dniom pavietra pačnie prahravacca da 10—17 hradusaŭ ciapła.
«Na pačatku nastupnaha tydnia terytoryja Biełarusi apyniecca pad upłyvam antycykłonu, sfarmiravanaha ŭ chaładnavatym pavietry.
Tak što nadvorje palepšycca, budzie pieravažna biez apadkaŭ, ale na ciapło raźličvać asabliva nie vypadaje», - padkreśliła sinoptyk Śviatłana Rybakova. Nočču i ranicaj u asobnych rajonach čakajecca tuman.
Tempieratura pavietra 26 vieraśnia nočču składzie 3-8 hradusaŭ vyšej za nul, dniom čakajecca 10-16 hradusaŭ ciapła.
U aŭtorak, 27 vieraśnia, načnaja tempieratura panizicca da 2—7 hradusaŭ ciapła, na hlebie miescami mahčymy zamarazki da nula — minus 2, dzionnyja tempieratury buduć znachodzicca ŭ miežach 10—17 hradusaŭ vyšej za nul.